रायपुरः जिला म तालाब मन के हालत दयनीय होत जात हे. तालाब मन के विलुप्त होए के कारन जिला म कतको जगा जल संकट पइदा होगे हे. कांग्रेस के नवां सरकार घलो ए समस्या ले अपन पल्ला झाड़त नजर आवत हे.
तालाब म के विलुप्ति के कारन, जे जगह मन म जमीन ल चंद फीट खोदे ले ही पानी निकल आत रहिस हे. उहां हजार फीट तक खोदे के बाद भी पानी नइ निकलत हवय. ए समस्या ल बेरा-बेका म सामाजिक संगठन मन अउ शासन प्रशासन ल अवगत कराय गेहे. एखर बाद भई तालाब मन के संरक्षन ल ले के कोनो पहल नइ करे गेहे. नतीजन एक के बाद एक राजधानी के तालाब विलुप्त होवत जात हे.
आरटीआई कार्यकर्ता कुणाल शुक्ला ह बताइस के जिला म 227 तालाब होवत रहिस हे. एमा ले ए बेरा म मात्र 116 तालाब ही बचे हवय. बाकी के 111 तालाब मन ल पाट देय गिस या एखर ऊपर भारी निरमान करे गिस. उन्होंने यहां तक कहा कि कुछ तालाबों को पाटकर राजनीतिक दलों द्वारा अपना कार्यालय बनाया गे हे. अगर सरकार ह अ समस्या ल ले के गंभीर नइ दिखही त उमन ए समस्या ल लेके कोर्ट के सरन ले के बात कहिन.
भाजपा ह नई करिस कार्रवाई
गउतलब हे के कब्जा करेगे तालाब मन म राजबंदा तालाब काफी चरचा म बने हवय. काबर के ए तालाब म भाजपा के प्रदेस कार्यालय होत रहिस हे. जेला वर्तमान म भाजपा जिला कार्यालय बना दोय गे हे. ए कार्यालय काफी दिन तक विवाद म रहिस. एला लेके पूर्व म कांग्रेस ह जमके हंगामा घलो करे रहिस हे. लेकिन भाजपा सरकार ह ए मामला म कोनो कार्रवाई नइ करिस हे.
का कहत हे मंत्री
ए मामला म जल संसाधन मंत्री रविंद्र चौबे के कहिने हे, तालाब मन ल कइसे आवंटित करे गिस. ओमा म मैं कुछु टिप्पना नइ करना चाहव. हमार प्रयास हे के जे जल क्षेत्र बच गेहे. ओला सुरक्षित रखे म विचार करे जाए.
जिला म तालाब मन के तादाद घटे ले आम लोगन ल काफी परेशानी मन के सामना करना पड़त हवय . इधर नवा सरकार ह घलो कब्जाधारी मन उपर कोनो कार्यवाही नई करना चाहत हे.
