चुनावी कार्यक्रम ल संबोधित करिन भाजपा अध्यक्ष अमित शाह
रायपुर: इंडोर स्टेडियम म चुनावी कार्यक्रम ल संबोधित करत हुए भाजपा अध्यक्ष अमित शाह ह कहिन के, भाजपा जल्द ले जल्द अयोध्या म भव्य राम मंदिर बनाही. अउ उंही जगा म बनाही. हमन जब भी राम मंदिर बनाए बर काम सुरू करना चाहथन, कांग्रेस कोर्ट म तारीख म तारीख मांगथे.
हमन कहे रहेन के, घुसपइठिया मन बर कोनो जगा नइए. असम म देश ले घुसपइठ बाहिर निकलते जात हे. हमन एनआरसी के माध्यम ले 40 लाख घुसपइठिया मन के पहचान कर देश ले बाहर निकाले हन. ए भारत के सुरक्षा के सवाल हे.
मोदी सरकार के नारे लगवाइस
शाह ह फेर एक बार मोदी सरकार के नारा लगवाइस. जरा ले भी आत्मविश्वास कम करे के जरूरत नइए. सीना तान के लोगन के बीच जावव. हमार करे गे गउरवशाली काम ल लेके लोगन के बीच जावव.. आप मन बर छत्तीसगढ़ के जनता दिल खोल के बइठे हवय.
भूपेश सरकार उपर निसाना- पूत के पांव पलना म ही दिख जाथे
भूपेश सरकार उपर निसाना साधत हुए कहिन के, इमन सत्ता म आत ही आयुष्मान योजना ल बंद कर दिस. पूत के पाव पलना म ही दिखथे. हमन कभु राज्य म सीबीआई के दरवाजा बंद नइ करेन. काबर के सीबीआई के दरवाजा बंद करे गिस. आप मन के मन म डर हवय. सीबीआई नइ आही त काहे के डर.
शराबबंदी के का होइस : शाह
शराबबंदी के का होइस, हमार वोट त ले लेव, अब महिला मन पूछत हवय, पंडित दीनदयाल उपाध्याय के नाम म चलत योजना मन के नाम बदल देय गिस. हमन कोनो नेता के नाम नइ बदलेन. छत्तीसगढ़ जइसे राज्य म कानून अउ बेवस्था ल इमन तार-तार कर देय हे. हम संघर्ष करो बोन अउ लोगन ल जागरूक करबो.
ए छत्तीसगढ़ भाजपा के गढ़ रहिस अउ रह ही : शाह
भाजपा अध्यक्ष ह कहिन के, ए छत्तीसगढ़ भाजपा के गढ़ रहिस हे अउ रहही. दू महीना के भीतर छत्तीसगढ़ के घर-घर म सम्पर्क करना हे अउ लोगन ल जोड़ना हे. छत्तीसगढ़ बर ए चुनाव अउ महत्वपूरन हे. काबर के हार के बाद घलो हम आसमान ल छू सकत हन. ए दिखाए के समय हे. आप मन ह वो कार्यकर्ता हव जे 3-3 बार सरकार बनवाए हव. ए बार जब काउंटिंग म दुपहर 1 बजही, त दुर्ग के छुट्टी. ये सीट समेत सबो 11 सीट बीजेपी के हाथ म हो ही.
बीजेपी ह करिस सीमा मन ल सुरक्षित करे के काम: शाह
उमन कहिन के, देश के सीमा मन ल सुरक्षित करे के काम बीजेपी ह करिस. एयर स्ट्राइक अउ सर्जिकल स्ट्राइक करके हमन जवान मन के मउत के बदला ले हन. भाजपा विचारधारा के संग चलइया पार्टी हे.
