dhamtari: मुख्यमंत्री गौरव अलंकरण शिक्षा दूत सम्मान ले अलंकृत करे गे हे शिक्षक मनोज कुमार साहू

जय जोहार…. (dhamtari) कलेक्टर कार्यालय के सभाकक्ष म शुक्रवार के शिक्षक सम्मान समारोह के आयोजन करे गे हे। ए अवसर म कलेक्टर जयप्रकाश मौर्य ह शिक्षक मनोज कुमार साहू ल श्रीफल, सम्मान पत्र अऊ पुरस्कार राशि प्रदान कर सम्मानित करे हे।

सम्मान समारोह म जिला शिक्षा अधिकारी डॉ रजनी नेल्सन, जिला पंचायत सीईओ श्रीमती नम्रता गांधी, एडीओ आरएन मिश्रा, मंच संचालक हरीश देवांगन, विकास खंड शिक्षा अधिकारी डीआर गजेंद्र रहे हे।

शासकीय प्राथमिक शाला उड़ेना, संकुल छाती, जिला धमतरी के शिक्षक मनोज कुमार साहू ह सहायक शिक्षक के पदस्थापना साल 2008 ले सेवा प्रदान करत हे।

एखर साल 2016 ले प्रभारी प्रधानपाठक के भूमिका म अपन लगन अऊ मेहनत के बल पर विद्यालय के स्तर ल आघू उठाय म काफी योगदान रहे हे।

(dhamtari) अपन सफलता के कहानी म वो हा बताइस कि शाला म लईका मन के ठहराव, उपस्थिति दर म वृद्धि, समुदाय ल शिक्षा ल जोड़े के अंतर्गत माता उन्मुखीकरण, पृथक शाला गणवेश के व्यवस्था, मातृ संगठन के निर्माण, संध्याकालीन शिक्षण, विद्यालय विकास बर स्थानीय फंड निर्माण, प्रिंट रिच निर्माण, पालक मन के सहयोग ले वार्षिकोत्सव सांस्कृतिक कार्यक्रम के आयोजन आदि क्षेत्र म बेहतरीन तरीका ले योजना बना के कार्य करे जावत हे।

(dhamtari) मनोज कुमार साहू के सम्मानित होय म विकासखंड शिक्षा अधिकारी डीआर गजेंद्र सहायक विकास खंड शिक्षा अधिकारी अथर्व शर्मा, बीआरसी ललित सिन्हा, संकुल समन्वयक लोमप्रकाश सोनवानी, ग्राम पटेल ताजेन्द्र चंद्राकर, ग्राम पंचायत उड़ेना सरपंच नेहा सदानंद साहू, उप सरपंच खम्भन साहू, पंच मुकेश कुमार साहू, हेमंत कुमार साहू, लालाराम ध्रुव, विद्यालय विकास प्रबंधन समिति के अध्यक्ष पवन कुमार नवरंगे, उपाध्यक्ष शांति दीवान, खिलावन चंद्राकर, भोजलाल साहू, रूपराम साहू, बिष्णु चंद्राकर अऊ अजीम प्रेम जी फाउंडेशन के सबो साथी मन ह बधाई प्रेषित करे हे ।