Raipur : तहसील लिपिक संघ ह आने मांग ल लेके मुख्य सचिव अउ मुख्यमंत्री के नाव तहसीलदार ल सौंपे हे ज्ञापन

जय जोहार…. (Raipur) छत्तीसगढ़ लिपिक वर्गीय कर्मचारी संघ के बेनर तले तहसील लिपिक संघ ब्लाक अभनपुर ह अपन आने मांग ल लेके तहसीलदार के माध्यम ले मुख्य सचिव अउ मुख्यमंत्री ल ज्ञापन सौंपे हे।

ए ज्ञापन म प्रमुख रुप ले वेतन विसंगति ल दूर करे के मांग करे गेहे।(Raipur) एमा बताये गेहे कि 35 बछर ले वेतन विसंगति झेलत लिपिक संवर्ग म वेतन विसंगति ल लेके आक्रोस हे।

ज्ञापन सौंपत बेरा (Raipur) संघ के तहसील अध्यक्ष बीरेंद्र कुमार साहू, सचिव महेश कुमार साहू, महिला प्रकोष्ठ से कुमारी साहू, पूर्व अध्यक्ष जे.के. विश्वकर्मा अउ सबो तहसील के लिपिक मन ह सामिल रिहिन।