एम्स म टेलीमेडिसिन सेवा हो गे शुरू, बिना अस्पताल गए घर बइठे ए नंबर मन म कॉल कर ले सकत हे सलाह
जय जोहार रायपुर…. राजधानी रायपुर के एम्स अस्पताल म टेलीमेडिसिन शाखा ह आप मन ल घर बइठे सेवा देही। स्वास्थ्य संबंधी परेशानी म अब फोन म डॉक्टर ले सलाह ले जा सकत हे। ए सेवा आप मन ह वीडियो कॉल, वाइस कॉल या चेटिंग कर अपन परेशानी के हल ल डाक्टर ले पूछ सकत हे। एम्स के पुराना मरीज जेखर इलाज फिलहाल चलत हे अऊ गंभीर रोगी अस्पताल के तरफ ले जारी नंबर म कॉल कर विशेषज्ञ ले सलाह ले सकही। लॉक डाउन के वजह ले कई इलाका ले मरीज ह एम्स नई पहुंच पात हे। अइसे म ए नई सुविधा ले जरूरतमंद मरीज मन ल काफी राहत मिल सकत हे। टेलीमेडिसिन ओपीडी सेवा ह सोमवार ले सनिच्चर के बीच उपलब्ध रही।
ए नंबर म कर सकत हे संपर्क
पहिली शिप्ट- बिहिनिया 9.30 से 11.30 बजे तक
विभाग के नंबर : जनरल मेडिसिन 7647079632, जनरल सर्जरी 7647079633, गायनीकोलॉजी एंड आब्सट्रेटिक्स 7647079634, ईएनटी 7647079635, दंत रोग 7647079636।
दूसर शिप्ट- बिहिनिया 11.30 ले दोपहर 1.30 बजे तक
विभाग के नंबर: बाल रोग 7647079637, नेत्र रोग 7647079639, हड्डी रोग 7647079640, त्वचा रोग 7647079641।
मनोचिकित्सक के समय- बिहिनिया 9 बजे ले शाम पांच बजे तक, नंबर 9981992903
कोरोना वायरस हेल्पलाइन के समय- बिहिनिया 9.30 बजे ले दोपहर 1.30 बजे तक, नंबर 7647079642, 7647079643।
