जय जोहार…. आदिवासी बहुल वनमण्डल नारायणपुर म घलो तेन्दूपत्ता संग्रहण वर्ष 2019-20 के पारिश्रमिक राशि के नगद भुगतान करे के सशर्त अनुमति ल प्रदान कर दे गे हे।
नारायणपुर वनमण्डल के जेन तेन्दूपत्ता संग्राहक मन के बैंक खाता नई हे। ऊहचे जेन ग्राम के दूरी ह बैंक ले 4-5 किलोमीटर ले जियादा हे।
अईसे संग्राहक मन ल अब नगद भुगतान करे संबंधी आदेश ल आज वन विभाग के प्रमुख सचिव मनोज पिंगुआ के तरफ ले जारी कर दे गे हे।
बता दें कि गत 29 जून के राज्य के नक्सल प्रभावित क्षेत्र म स्थित सुकमा, दंतेवाड़ा अउ बीजापुर वनमण्डल के तेन्दूपत्ता संग्राहक मन ल तेन्दूपत्ता संग्रहण के पारिश्रमिक के राशि ल नगद भुगतान करे के स्वीकृति ल प्रदान करे गे रिहिस।
नारायणपुर वन मण्डल के आठ प्राथमिक सहकारी समिति म 161 फड़ हे। इहां तेन्दूपत्ता संग्राहक मन के संख्या ह 17766 हे। विगत तीन जुलाई के स्थिति म 12665 मानक बोरा तेन्दूपत्ता के संग्रहण करे गे हे।
