तेंदूपत्ता संग्राहक मन ला मिलहि 424 करोड़ ले जादा के प्रोत्साहन पारिश्रमिक

बछर 2021 के 163 करोड़ 63 लाख रुपिया प्रोत्साहन पारिश्रमिक अउ 2022 के 260 करोड़ 49 लाख रुपिया वितरित करे सेती विभाग ह दे हे अनुमति

रायपुर. छत्तीसगढ़ म तेंदूपत्ता संग्राहक मन ला 424 करोड़ 11 लाख रुपिया के प्रोत्साहन पारिश्रमिक वितरित करे जाहि। ए संबंध म आदेश वन अऊ जलवायु परिवर्तन विभाग ह जारी करे हे। विभाग ह ए संबंध म अनुमति दे हे। एखर अंतर्गत बछर 2021 म लाभ म रहे 733 समिति के 9 लाख 49 हजार 944 संग्राहक मन ल 163 करोड़ 62 लाख रुपिया के प्रोत्साहन पारिश्रमिक वितरण करे जाहि। अईसने संग्रहण बछर 2022 के सेती लाभ म रहे 661 समिति के 8 लाख 61 हजार 772 संग्राहक मन ल 260 करोड़ 49 लाख रुपिया के प्रोत्साहन पारिश्रमिक के वितरण करे जाहि।

ए जानकारी छत्तीसगढ़ राज्य लघु वनोपज संघ के प्रबंध संचालक अनिल कुमार राय ह दिन। बता देन कि छत्तीसगढ़ शासन कोती ले तेंदूपत्ता के व्यापार ले होवईया लाभ के प्रोत्साहन पारश्रमिक संग्राहक मन ल वितरण करे जाना हे। मुख्यमंत्री भूपेश बघेल डाहर ले तेंदूपत्ता संग्राहक मन ल दे जाने वाला तेंदूपत्ता संग्रहण राशि म घलो वृद्धि करे गेहे। अऊ ऊंखर कल्याण बर किसम-किसम के उदिम संचालित करे जात हे।