दसवीं अऊ बारहवीं के शिक्षा मंत्री ह जारी करिन परीक्षा परिणाम

जय जोहार…. छत्तीसगढ़ माध्यमिक शिक्षा मण्डल के तरफ ले दसवीं-बारहवीं के परीक्षा परिणाम ल जारी कर दे गे हे। स्कूल शिक्षा मंत्री प्रेमसाय सिंह टेकाम ह स्वयं वीडियो कांफ्रेंसिंग ले आनलाइन नतीजे ल घोसित करे हे। विद्यार्थी मन ह अपन परीक्षा परिणाम ल माध्यमिक शिक्षा मण्डल के वेबसाइट  https://cgbse.nic.in/ म देख सकत हे।

माशिमं के तरफ ले जारी नतीजा के अनुसार दसवीं म 73.3 प्रतिशत अऊ बारहवीं म 78.59 प्रतिशत छात्र-छात्रा मन ह उत्तीर्ण होय हे। बोर्ड परीक्षा म टॉप करइया दुनो कक्षा के छात्र ह मुंगेली जिला के रहवइया हे। बारहवीं म मुंगेली के रहवइया छात्र टिकेश वैष्णव ह 97.80 प्रतिशत अंक हासिल करे हे। ऊहचे दसवीं म मुंगेली के रहवइया छात्रा प्रज्ञा कश्यप ह 100 प्रतिशत अंक हासिल करे हे।