दसवीं-बारहवीं मूल्यांकन : माध्यमिक शिक्षा मंडल ह शिक्षक मन ल जारी करिस गाइडलाइन

जय जोहार रायपुर…. लॉकडाउन बाढ़े के बाद अब माध्यमिक शिक्षा मंडल ह दसवीं अऊ बारहवीं के परीक्षा परिणाम ल लेके तैयारी म जुट गे हे। माशिम के तरफ ले उत्तर पुस्तिका के जांच बर डिटेल गाइडलाइन जारी करे गे हे। उत्तर पुस्तिका ल लेने अऊ जांच के उपरांत जमा कराए ल लेके घलो नवा दिशा-निर्देश जारी करे गे हे। उत्तर पुस्तिका के जांच करइया शिक्षक मन ल निर्देशित करे गे हे कि वे 10 दिन के भीतर जांच प्रक्रिया ल पूर्ण करे।

परीक्षक मन बर माध्यमिक शिक्षा मंडल ह एक आनलाईन पोर्टल बनाए हे। जिहां जा के परीक्षक मन ह अपन यूजर आईडी अऊ पासवर्ड बनाना होही। संगेसंग ओमा अपन डिटेल घलो दर्ज करना होही। जेमा नाम, पता, बैंक खाता, मोबाइल नंबर समेत अन्य जरूरी विकल्प मन ल भरना होही। माध्यमिक शिक्षा मडल ह अपन वेबसाइट म शिक्षक मन ल कापी मूल्यांकन ल लेके विस्तृत जानकारी उपलब्ध कराए हे। जेमा बोनस अंक देने ले लेके मांडर आंसर के जानकारी दे गे हे।