रायपुर. राज्य सरकार ह किसान मन के कर्जा माफी के वादा ल निभाए बर सहकारी बैंक के अल्पकालीन कृषि ऋण माफ करे गे रिहिस। अब व्यवसायिक बैंक बर घलो किसान मन के करजा ल माफी दे बर पईसा जारी कर दे गे हे। प्रदेश सरकार ह 21 सौ करोड़ रुपया व्यवसायिक बैंक मन म किसान मन के कर्जा माफी बर जारी कर दे हे।
राज्य सरकार डाहर ले किसान मन ले करे गे वादा के मुताबिक सहकारी बैंक मन के अल्पकालीन कृषि ऋण माफ कर दे गे हे। क्षेत्रीय ग्रामीण बैंक म किसान मन के अल्पकालीन ऋण ल माफी दे बर कार्य जोर शोर ले चलत हे। पाछू के वित्त वर्ष म क्षेत्रीय ग्रामीण बैंक ल 249 करोड़ रुपए के राशी जीरी करे गे रिहिस। चालू वित्तीय वर्ष म क्षेत्रीय ग्रामीण बैंक मन बर 21 जून 2019 तक के स्थिति म 451 करोड़ रुपए दिए जा चुके हे। राज्य सरकार डाहर ले व्यवसायिक बैंक म किसान मन के अल्पकालीन कृषि ऋण ल माफी दे बर 21 सौ करोड़ रुपया के राशि जारी कर दे गे हे। ए राशि ल आहरण करके बैंक मन ल वितरण के प्रक्रिया जारी होए हे।
