Chhattisgarh: किसान आंदोलन के समर्थन म रायपुर ले 300 किसान मन के जत्था ह आज रवाना होही दिल्ली

जय जोहार…. (Chhattisgarh) छत्तीसगढ़ किसान मजदूर महासंघ के नेतृत्व म आज 300 किसान मन के जत्था ह राजधानी रायपुर के धरना स्थल बूढ़ातालाब ले दिल्ली बर रवाना होही।

ए संबंध म जानकारी देवत हुये (Chhattisgarh) छत्तीसगढ़ किसान मजदूर महासंघ के संचालक मंडल सदस्य रूपन चंद्राकर, तेजराम विद्रोही, जनकलाल ठाकुर, पारसनाथ ठाकुर, डॉ संकेत ठाकुर, जागेश्वर जुगनू चंद्राकर ह बताइश कि केंद्र सरकार के तरफ ले लाय गे कारपोरेट परस्त, किसान, कृषि अऊ आम उपभोक्ता विरोधी कानून के खिलाफ जारी किसान आंदोलन के समर्थन म ये जत्था ह रवाना होही।

वो हा कहिन कि 4 जनवरी 2021 के केंद्र सरकार के संग किसान मन के बइठक ह बेनतीजा रहे हे। सरकार के तरफ ले 8 जनवरी के पुन: बइठक आमंत्रित करे गे हे, लेकिन गेंद ह अभी केन्द्र सरकार के पाले म हे। तीनो कानू वापस नई लिए जाय अऊ न्यूनतम समर्थन मूल्य गारंटी कानून नई बनाय जाय म अखिल भारतीय किसान समन्वय समिति अऊ संयुक्त किसान मोर्चा के नेतृत्व म दिल्ली सीमा म जारी किसान आंदोलन के संग एकजुटता कायम करने ल छत्तीसगढ़ ले आज 300 किसान मन के जत्था ह दिल्ली बर रवाना होवत हे।

ए जत्था म प्रदेश (Chhattisgarh) के कई स्थान डौंडीलोहारा, बालोद, आरंग रायपुर, गरियाबंद, महासमुंद, बलौदाबाजार, रायगढ़, कांकेर, बेमेतरा, दुर्ग समेत कई जिला के किसान ह शामिल होही। अवइया दिन म आन जिला ले घोल किसान मन के जत्था ह अइसने रवाना होही।