महीना बाद निकाले गिस महिला के लासश, होइस ए खुलासा

महीना भर बाद निकाले गिस महिला के लाश, होइस ए खुलासा

 दु्र्ग : जिला के धमधा पुलिस ह अंधा कत्ल के गुत्थी सुलझाए के दावा करे

हे. धमधा पुलिस ह राजनांदगांव के साल्हेवारा पुलिस के संग मिलके अंधा

कत्ल के गुत्थी ल दिलचस्प तरीका ले सुलझाइस हे.

पुलिस के दावा हे के, दू सादी करे के बाद परिवार म उपजे विवाद ले त्रस्त होके एक

व्यक्ति ह अपन दूसर पत्नी ल जिंदा जला के ओखर हत्या कर दीस.  एखर बाद वो ह

ओखर सव ल साल्हेवारा के जंगल म फेंक दिस अउ खुद लापता होगे. मामला म पुलिस

ह आरोपी पति समेत चार झन ल गेरफ्तार कर ले हे.

पुलिस ले मिले जानकारी म पति अउ सौत के एक साथ गायब होए के बाद आरोपी के

पहिली पत्नी ह धमधा थाना म गुमशुदगी के रिपोर्ट दर्ज कराइस. एखर बाद

मामला के जांच म जुटे पुलिस ह ए केस ल सुलझाइस. पुलिस ह सबो आरोपी मन के

खेलाफ हत्या अउ साक्ष्य छिपाए के धारा मन म कार्रवाई करे हे.

धमधा थाना प्रभारी सुरेंद्र उके ह मीडिया ल चर्चा म बताइस, ग्राम खपरी

निवासी प्रार्थिया मिन्ता बाई ह पांच जनवरी के थाना म आ के अपन पति हेमू

साहू अउ सौतन मेनका साहू के लापता होए सिकायतकरिस.  प्रार्थिया ह बताइए

रहिस हे, दूनों 23 दिसंबर 2018ले लापता हवय. पुलिस ह एमा गुमसुदगी के

रिपोर्ट दर्ज कर के मामला के जांच सुरू करिस. पतासाजी के दउरान जब कोनो

क्लू नइ मिलिस तो पुलिस ह आसपास के जिला के थाना मन ले बेसिनाख्त लास मन

के बारे म जानकारी जुटाए बर सुरू करिस.