Raipur म अब नई लगही लॉकडाउन, काली ले खुलही सबो दुकान, पढो पूरा खबर

जय जोहार…. (Raipur) लॉकडाउन ल ले के बड़का खबर सामने आवत हे। राजधानी म 22 सितंबर ले लगे लॉकडाउन ह खत्म होवइया हे। राजधानी म प्रभारी मंत्री रविंद्र चौबे के बंगला म आयोजित बइठक म लॉकडाउन नई लगाय के फइसला ले गे हे।

(Raipur) राजधानी म काली ले सबो दुकान ह रात आठ बजे तक खुलही। उहचे होटल ल होम डिलवरी बर 10 बजे तक छूट रही। ए दौरान मास्क, सोशल डिस्टेंसिंग, सेनिटाइजर समेत आन जरूरी चीज के रखना जरूरी होही। राजधानी के सबो दुकान संचालक मन ल कोरोना के मद्देनजर स्वास्थ्य विभाग के गाइडलाइन के पालन करना जरूरी होही।

बता देन कि (Raipur) राजधानी म 21 सितंबर ले 28 सितंबर तक लॉकडाउन लगाय गे रिहिन। जेखर आज आखिरी दिन रिहिन। प्रभारी मंत्री रविंद्र चौबे, जिला प्रशासन अऊ चैंबर पदाधिकारी मन के बइठक के बाद लॉकडाउन ल नई लगाय के फइसला ले गे हे।