जय जोहार। chhattisgarh () मुख्यमंत्री भूपेश बघेल के भेंट-मुलाकात के माध्यम ले 25 बछर ले लंबित भू-अर्जन मुआवजा के प्रकरण के निराकरण होगे । मुख्यमंत्री ह 25 बछर ले भू-अर्जन के मुआवजा रासि के इन्तजार करत बलरामपुर-रामानुजगंज जिला के 54 किसान मन ल 6 करोड़ 97 लाख 49 हजार रुपिया के मुआवजा रासि के ऑनलाईन भुगतान करीन । मुख्यमंत्री ह सोमवार के अपन निवास कार्यालय म वीडियो कॉन्फ्रेंसिंग के माध्यम ले आयोजित कार्यक्रम म बलरामपुर-रामानुजगंज जिला के ए किसान मन ल भू-अर्जन मुआवजा रासि सहित हितग्राही मन ल चिटफंड कम्पनी ले वसूल करे गे रासि अउ राजस्व पुस्तक परिपत्र के तहत सहायता रासि ऑनलाईन वितरित करीन ।
गौरतलब हे कि बलरामपुर-रामानुजगंज जिला म ए बछर मई माह म आयोजित भेंट मुलाकात कार्यक्रम म ए किसान मन ह मुख्यमंत्री श्री बघेल ले भू-अर्जन मुआवजा के रासि नई मिले के सिकायत करे रिहीन, जेमा (chhattisgarh ) मुख्यमंत्री ह जिला के कलेक्टर ल विभिन्न सिंचाई परियोजना म लंबित भू-अर्जन मुआवजा वितरण के प्रकरण के त्वरित परीक्षण कर हितग्राही मन ल रासि वितरण करे के निर्देस दे रिहीन । जेखर तारतम्य म मुख्यमंत्री ह वर्चुअल कार्यक्रम म किसान मन ल मुआवजा रासि के वितरण करीन ।
मुख्यमंत्री श्री बघेल ह कार्यक्रम म भू-अर्जन मुआवजा समेत चिटफंड कम्पनी के वसूली करे गे रासि अउ राजस्व पुस्तक परिपत्र 6-4 अंतर्गत कुल 2148 हितग्राही मन ल 14 करोड़ 35 लाख 47 हजार रुपिया के रासि वितरित करीन । ए रासि म ले चिटफंड कंपनी ले ठगी के शिकार हुए 146 नागरिक ल चिटफंड कंपनी के वसूली करे गे 11 लाख 49 हजार रुपिया अउ राजस्व पुस्तक परिपत्र 6-4 अंतर्गत 1948 हितग्राही मन ल 7 करोड़ 26 लाख 49 हजार रुपिया के रासि सामिल हे ।
Other Articles
CM Bhupesh Baghel ह आज विधानसभा क्षेत्र साजा म करही भेंट-मुलाकात
