मुख्यमंत्री भूपेश बघेल के विशेष पहल म केन्द्र सरकार ह अब लेही 28.1 लाख मीट्रिक टन चावल

जय जोहार…. मुख्यमंत्री भूपेश बघेल के विशेष पहल म केन्द्र सरकार ह छ्त्तीसगढ़ ले सेन्ट्रल पूल म चावल ले के कोटा ल 24 लाख मीट्रिक टन ले बढ़ा के 28.1 लाख मीट्रिक टन कर दे हे। छत्तीसगढ़ ले अब सेन्ट्रल पूल म एफसीआई ह 28.1 लाख मीट्रिक टन चावल ल लेही।

मुख्यमंत्री बघेल ह प्रधानमंत्री नरेंद्र मोदी अऊ केन्द्रीय खाद्य मंत्री रामविलास पासवान ल पत्र भेज के छत्तीसगढ़ ले सेन्ट्रल पूल म 31 लाख मीट्रिक टन चावल ले के अनुरोध करे रहिस। मुख्यमंत्री बघेल ह ए संबंध म केन्द्रीय खाद्य मंत्री ले मिल के छत्तीसगढ़ के कोटा ल बढ़ाय के अनुरोध करे रहिस। मुख्यमंत्री के अनुरोध म केन्द्र सरकार ह छ्त्तीसगढ़ ले चावल लेके कोटा ल बढ़ा दे हे।