ट्रेलर ल देखिस सीएम , देखे ल गे रिहीस छपाक मंत्री, विधायक अऊ कांग्रेसी मन गिन श्याम सिनेमा

जय जोहार रायपुर.. प्रदेश के मुखिया ह आज छपाक फिलिम देखे बर श्याम सिनेमाघर पहुँचीन साथ म मंत्री मन, महापौर अऊ कांग्रेसी मन घलो रिहिन, बता दन कि मुख्यमंत्री ह पहिली ले बोले रिहिस कि छपाक देखे बर जाहूं, आज श्याम सिनेमा म तगड़ा व्यवस्था करे गे रिहिस

मुख्यमंत्री ह ये मौक़ा म छत्तीसगढ़ी फिलिम जोहार छत्तीसगढ़ के ट्रेलर घलो देखिस अऊ बने हे किहिस, ये दूसर मौक़ा जब मुख्यमंत्री ह कोई छत्तीसगढ़ी फिलिम देखिस एखर पहिली ओमन ह हंस झन पगली देखे बर गे रिहिन, मुख्यमंत्री के ये कला प्रेम ले सब्बो वाकिफ हे, कोई भी फिलिम अगर अच्छा सन्देश देथे त ओला देखना चाहिए अऊ दूसर ल घलो देखे बर प्रेरित करना चाही अईसे मानना हे मुख्यमंत्री के.