CM Bhupesh Baghel ह करीन कसडोल म प्रेस क्लब भवन बर 10 लाख रुपिया देके घोसना

जय जोहार। सीएम भूपेश बघेल (CM Bhupesh Baghel) ह कसडोल म विभिन्न समाज अउ सामाजिक संगठन के प्रतिनिधिमण्डल ले भेंट-मुलाकात करीन । मुख्यमंत्री ह प्रेस क्लब कसडोल के प्रतिनिधि मन के मांग म प्रेस क्लब भवन बर 10 लाख रुपिया देके घोसना करीन । वोहा कंवर समाज ल सामुदायिक भवन बर 20 लाख रुपिया अउ पटेल समाज ल लवन म भवन निर्माण बर 20 लाख रुपिया स्वीकृत करे के घलो घोसना करीन।

ए मउका म सीएम भूपेश बघेल (CM Bhupesh Baghel) ह एक-एक कर सबो समाज एवं संगठन के प्रतिनिधि ले सामाजिक गतिविधि के संबंध म जानकारी लीन। संगेसंग ओखर ले सासकीय योजना अउ कार्यक्रम के क्रियान्वयन के संबंध म घलो फीडबैक लीन । मुख्यमंत्री ह सामाजिक संगठन के प्रतिनिधि मंडल ले भेंट-मुलाकात के दउरान अनुसूचित जाति के आरक्षण के संबंध म किहीन कि पिछड़ा वर्ग के जनसंख्या के आधार म आरक्षण बढ़ाए हे।

अनुसूचित जाति समाज ह यदि गणना करवाय के सहमति दे त ओखर घलो गणना करवाय ल कमीशन गठित करे जाही। यदि जनसंख्या म वृद्धि होही, त आरक्षण घलो उही अनुपात म होही । मुख्यमंत्री ल ब्राम्हण समाज ह बलार डेम के नाव करण स्वर्गीय कन्हैया लाल शर्मा के नाव म करे बर धन्यवाद ज्ञापित करीन ।