CM Bhupesh Baghel ह महासमुंद विधानसभा क्षेत्र बर 136 करोड़ रुपिया के 48 ठीन विकास काम के करीन भूमिपूजन अउ लोकार्पण

जय जोहार। सीएम भूपेश बघेल (CM Bhupesh Baghel) ह महासमुंद क्षेत्र म 136 करोड़ 19 लाख 65 हजार रुपिया के विकास काम ले लोकार्पण अउ भूमिपूजन करीन । महासमुंद सर्किट हाऊस म गुरुवार संझा आयोजित ए कार्यक्रम म 30 करोड़ 7 लाख 37 हजार रुपिया के 26 ठीन विकास काम के भूमिपूजन अउ 106 करोड़ 12 लाख 28 हजार रुपिया के 22 ठीन विकास काम के लोकार्पण करे गेहे । ए अवसर म गृहमंत्री ताम्रध्वज साहू, संसदीय सचिव विनोद चंद्राकर घलो उपस्थित रिहीन ।

भूमिपूजन म नवा सड़क निर्माण, पुल-पुलिया अउ नवा काम सामिल हे । लोकार्पण काम म स्विंगपूल, प्रवेश द्वार सिरपुर, मिनी स्टेडियम फ़ारेस्ट ग्राउंड, मांगलिक भवन, चौपटी अउ बाज़ार निर्माण आदि सामिल हे । मुख्यमंत्री भूपेश बघेल ह अपन प्रदेशव्यापी भेंट-मुलाकात कार्यक्रम के दउरान महासमुंद विधानसभा क्षेत्र के दउरा म आए रिहीन । मुख्यमंत्री भूपेश बघेल ह सिरपुर अउ ग्राम शेर म आम जनता ले भेंट-मुलाकात करीन अउ राज्य सासन के योजना के क्रियान्वयन के जानकारी लीन ।