Raipur : मुख्यमंत्री ह बगारपाली म हितग्राही मन ल करीन सामग्री के वितरण

जय जोहार । (Raipur) मुख्यमंत्री भूपेश बघेल ह ग्राम बगारपाली म भेंट-मुलाकात कार्यक्रम के दउरान हितग्राही मन ल सामग्री के वितरण करीन । वोहा समाज कल्याण विभाग के 6 हितग्राही मन ल सहायक उपकरण अउ डेमो चेक वितरित करीन।

एखर तहत वोहा 2 हितग्राही मन ल राष्ट्रीय परिवार सहायता योजना अंतर्गत 20-20 हजार रुपिया के डेमो चेक, एक–एक हितग्राही ल मोटराइज्ड ट्रायसायकल व्हीलचेयर अउ सी पी चेयर, हितग्राही दंपति ल विवाह प्रोत्साहन योजना के अंतर्गत 1 लाख रुपिया के डेमो चेक वितरित करीन । मुख्यमंत्री ह कृषि विभाग के पांच हितग्राही मन ल मसूर मिनीकिट अउ मत्स्य विभाग के तीन हितग्राही मन ल जाल के वितरण करीन।