CM Bhupesh Baghel ह प्रदेस के पहिला मोबाइल मिलेट कैफे ‘मिलेट ऑन व्हील्स’ ल खरसिया म हरी झंडी दिखाके करीन रवाना

जय जोहार। सीएम भूपेश बघेल (CM Bhupesh Baghel) ह आज रायगढ़ जिला के खरसिया म प्रदेस के पहिला मोबाईल मिलेट कैफे ‘मिलेट ऑन व्हील्स’ ल हरी झंडी दिखाके रवाना करीन । उच्च शिक्षामंत्री उमेश पटेल अउ गृह मंत्री ताम्रध्वज साहू घलो ए अवसर म उपस्थित रिहीन । मुख्यमंत्री भूपेश बघेल ह ए मउका म रागी ले बने केक काटे हे । वोहा ए मोबाइल कैफे के संचालन करइया महिला समूह ल अपन सुभकामना दीन ।

कि जिला प्रसासन रायगढ़ के पहल म सुरु होइन ये ‘मिलेट ऑन व्हील्स’ कैफे एक ठीन चलत फिरत मिलेट कैफे होही । जेमा रागी, कोदो, कुटकी ले बने लजीज व्यंजन परोसा जाही । एला अनुभव महिला समूह ह संचालित करही । ए मोबाइल मिलेट कैफे म रागी के चीला, डोसा, मिलेट्स पराठा, इडली, मिलेट्स मंचूरियन, पिज्जा, कोदो के बिरयानी अउ कुकीज चखे ल मिलही । गौरतलब हे कि मोटा अनाज के उत्पादन अउ उपभोग ल प्रोत्साहित करे बर मुख्यमंत्री भूपेश बघेल के पहल म मिलेट मिसन चलाए जात हे ।

गौरतलब हे कि छत्तीसगढ़ ह देस के पहिला राज्य हे , जिहां मुख्यमंत्री भूपेश बघेल के नेतृत्व म मिलेट्स ल सरलग बढ़ावा दे जावत हे । छत्तीसगढ़ म कोदो, कुटकी अउ रागी के ना सिर्फ समर्थन मूल्य घोसित करे गीन गया अपितु समर्थन मूल्य म खरीदे घलो करे जावत हे ।