CM Bhupesh Baghel ह प्रदेस वासी मन ल अक्षय तृतीया के दीन सुभकामना

जय जोहार। सीएम भूपेश बघेल (CM Bhupesh Baghel) ह प्रदेस वासी मन ल अक्ति (अक्षय तृतीया) तिहार के बधाई अउ सुभकामना दीन हे। ए अवसर म वोहा प्रदेस वासी मन के सुख-समृद्धि अउ खुसहाली के कामना करे हे । अक्षय तृतीया के पूर्व संझा म जारी अपन संदेस म मुख्यमंत्री ह किहीन कि अक्षय तृतीया के दिन सुरू काम के पूर्णता निश्चित माने जात हे, एखर सेती ये दिन बड़ अकन शुभ अउ अक्षय माने गेहे । वोहा किहीन कि शादी-ब्याह बर घलो ए दिन मुहूर्त नई देखे जात। ए दउरान कई ठन बाल-विवाह के मामला घलो सामने आत हे , जेखर ले समाज ल मुक्त करना हमर मन के सामूहिक जिम्मेदारी हे ।

सीएम ह किहीन कि अक्ति के शुभ दिन के महत्व ल देखत हुए छत्तीसगढ़ म पिछले बछर ले माटी पूजन अभियान के सुरुवात कर मिट्टी के उर्वरा सक्ति ल अक्षय रखे की पहल करे गेहे । पिछले दशक म खेत म रसायन अउ कीटनासक के जादा उपयोग ले धरती के उर्वरासक्ति नष्ट होवत हे । एखर ले हमर मन के अनाज विषैला होवत जावत हे , जेखर हमर मन के संगे संग पशु के स्वास्थ म घलो बुरा असर होवत हे ।