CM Bhupesh Baghel ह बुद्ध पूर्णिमा म प्रदेस वासी मन ल दीन सुभकामना
जय जोहार। सीएम भूपेश बघेल (CM Bhupesh Baghel) ह 5 मई के बुद्ध पूर्णिमा के अवसर म सबो बौद्ध धर्मावलंबी समेत प्रदेस वासी मन ल हार्दिक बधाई अउ सुभकामना दीन हे । अपन सुभकामना संदेस म वोहा किहीन हे कि महात्मा बुद्ध ह मनखे मन ल अहिंसा, समानता अउ विश्व बंधुत्व के संदेस देहे । ओखर सिक्षा ल विदेस म घलो मनखे मन ह अपनाइन अउ लाखो अनुयायी ओखर दिखाए मार्ग म चलके देस -दुनिया ल शांति के संदेस देवत हे ।
सीएम श्री बघेल ह किहीन कि गौतम बुद्ध के उपदेस हरेक परिस्थिति अउ काल म प्रासंगिक हे । ओखर दे गे सिक्षा हमन ल संयम ले आगू बढ़े के संदेस देत हे । महात्मा बुद्ध के विचार अउ जीवन मूल्य एक ठन बेहतर समाज अउ राष्ट्र निर्माण बर हमेसा मार्गदर्सक रही ।
