जय जोहार…. (chhattisgarh) मुख्यमंत्री भूपेश बघेल ह छत्तीसगढ़ विद्युत कंपनी के कर्मचारी मन ल आज प्रकास तिहार के अवसर म बड़का सौगात दीन हे। मुख्यमंत्री बघेल ह विद्युत कर्मी मन के मंहगाई भत्ता म तीन प्रतिसत के वृद्धि करे के संग ओखर उच्च कार्यदक्षता ल प्रोत्साहित करे बर 9 हजार रुपिया बोनस अनुग्रह रासि दे के घोसना करे हे। मुख्यमंत्री के ए घोसना ले छत्तीसगढ़ विद्युत कंपनी के 16 हजार ले जादा कर्मचारी अउ अधिकारी मन ल लाभ मिलही।
छत्तीसगढ़ (chhattisgarh) विद्युत कर्मचारी संघ फेडरेसन अउ छत्तीसगढ़ बिजली कर्मचारी महासंघ के पदाधिकारी मन ह शुक्रवार संझा मुख्यमंत्री ले ओखर निवास म मुलाकात करीन। वो हा प्रदेस म विद्युत विकास बर उठाय कदम बर मुख्यमंत्री केआभार जताइन।
छत्तीसगढ़ (chhattisgarh) स्टेट पॉवर कंपनी के चेयरमेन अंकित आनंद ह बताइन कि पहले बिजली कर्मी मन ल 28 प्रतिसत महंगाई भत्ता मिलत रिहीस, ओ अब तीन प्रतिसत बाढ़के 31 प्रतिसत हो जाही। एखर गणना ल एक जुलाई 2021 ले करे जाही। पेंशनर ल घलो महंगाई भत्ता के लाभ मिलही। बोनस के पात्रता ल रखइया कर्मचारी मन ल बोनस अउ सबो आन अन्य अधिकारी-कर्मचारी मन ल प्रोत्साहन स्वरूप कार्यदक्षता बनाय रखे ल अनुग्रह रासि मिलही।
