CM Bhupesh Baghel ह भूमकाल दिवस म आदिवासी जननायक अमर शहीद गुंडाधुर ल करीन नमन

जय जोहार। सीएम भूपेश बघेल (CM Bhupesh Baghel) ह भूमकाल स्मृति दिवस म आदिवासी जननायक अमर शहीद गुंडाधुर ल नमन करीन हे। सीएम श्री बघेल ह किहीन कि आदिवासी मन के जल, जंगल अउ जमीन बर अंग्रेजी हुकूमत के खिलाफ विद्रोह के आगाज करइया नायक गुुंडाधुर के बलिदान ल हमेसा इतिहास म अमर रही ।

सीएम श्री बघेल ह किहीन कि माने जात हे 10 फरवरी के 1910 म बस्तर के आदिवासी मन ह अंग्रेजों के खिलाफ आंदोलन के बिगुल ल फूंके रिहीन । ए विरोध ल बुलंद करे म आदिवासी जननायक ह महत्वपूर्ण भूमिका निभाईन अउ अपन सर्वस्व न्यौछावर कर दीन । ए जननायक म ले अमर शहीद गुुंडाधुर के नेतृत्व म भूमकाल विद्रोह म आदिवासी मन ह सीमित संसाधन के बावजूद अंग्रेजी हुकूमत के खिलाफ डटकर संघर्ष करीन । ओखर याद म छत्तीसगढ़ म प्राचीन दंडकारण्य क्षेत्र के स्थानीय मनखे मन ह हरेक बछर भूमकाल दिवस मनात हे ।

सीएम श्री बघेल ह किहीन कि आदिवासी चेतना म प्रतीक के रूप म शहीद गुंडाधुर जनमानस म हमेसा जीवित रही । ओखर स्मृति म मनाए जवइया भूमकाल दिवस सदा हमन ल शोषण के विरूद्ध आवाज बुलंद करे के साहस देत रही ।