Godhan Nyay Yojana : मुख्यमंत्री ह हितग्राही मन ल करीन 4.40 करोड़ रुपिया के रासि ऑनलाइन अंतरित

जय जोहार। (Godhan Nyay Yojana) मुख्यमंत्री भूपेश बघेल ह किहीन कि छत्तीसगढ़ के 10 हजार ले जादा गौठान म गर्मी ल देखत हुए पशु बर चारा पानी अउ छाया के व्यवस्था सुनिश्चित करे जाए। मुख्यमंत्री भूपेश बघेल ह राज्य के सबो कलेक्टर अउ जिला पंचायत के मुख्य कार्यपालन अधिकारी ल गौठान के भ्रमण कर उंहा पैरा के संग ही हरा चारा , शेड अउ पानी के व्यवस्था कराए के निर्देस देहे।

मुख्यमंत्री श्री बघेल ह आज ओखर निवास कार्यालय म आयोजित वर्चुअल कार्यक्रम म गोधन न्याय योजना के तहत् पशुपालक ग्रामीण, गौठान ले जुड़े महिला समूह अउ गौठान समिति ल 4 करोड़ 40 लाख रुपिया के रासि ऑनलाइन अंतरण समारोह ल संबोधित करत रिहीन । वोहा किहीन कि गौठान म होवइया आर्थिक गतिविधि के संचालन बर अनिवार्य रूप ले गौठान समिति के बइठक कराए जाए।

ए अवसर म वर्चुअल रूप ले वन मंत्री मोहम्मद अकबर, स्कूल शिक्षा प्रेमसाय सिंह टेकाम, मुख्यमंत्री के सलाहकार प्रदीप शर्मा , विनोद वर्मा, छत्तीसगढ़ खनिज विकास निगम के अध्यक्ष गिरीश देवांगन, मुख्य सचिव अमिताभ जैन, अपर मुख्य सचिव सुब्रत साहू, कृषि उत्पादन आयुक्त कमलप्रीत सिंह उपस्थित रिहीन ।