CM Bhupesh Baghel ह आज भानुप्रतापपुर म गोंडवाना समाज के वार्षिक सम्मेलन म होही सामिल, 14.47 करोड़ रुपिया के विकास काम के करही लोकार्पण अउ भूमिपूजन

जय जोहार। सीएम भूपेश बघेल (CM Bhupesh Baghel) ह आज कांकेर जिला के भानुप्रतापपुर म गोंडवाना समाज समन्वय समिति डहार ले आयोजित वार्षिक सम्मेलन म सामिल होही। ए दउरान सीएम ह 14.47 करोड़ रुपिया के विकास काम के लोकार्पण अउ भूमिपूजन करही ।

सीएम भूपेश बघेल ह आज मंझनिया 12.30 बजे पुलिस ग्राउंड हेलीपेड रायपुर ले भानुप्रतापपुर बर प्रस्थान करही, उंहा मंझनिया 1.20 बजे ले गोंडवाना समाज समन्वय समिति डहार ले गोंडवाना भवन म आयोजित वार्षिक सम्मेलन म सामिल होही । ए मउका म सीएम ह 14.47 करोड़ रुपिया के विकास काम के लोकार्पण अउ भूमिपूजन करही।

जेमा 4 करोड़ 76 लाख रुपिया के 52 ठीन विकास काम के भूमिपूजन अउ 9 करोड़ 55 लाख रुपिया के लगात के 94 ठीन काम के लोकार्पण सामिल हे । मुख्यमंत्री ह सासन के विभिन्न योजना के अंतर्गत 62 हितग्राही मन ल लगभग 16 लाख रुपिया के सामग्री अउ सहायता रासि के वितरण करही । मुख्यमंत्री ह उंहा ले 2.45 बजे हेलीकॉप्टर ले प्रस्थान कर मंझनिया 3.30 बजे पुलिस ग्राउंड हेलीपेड रायपुर वापस आही ।