CM Bhupesh Baghel ह आज विधानसभा क्षेत्र साजा म करही भेंट-मुलाकात

जय जोहार। सीएम भूपेश बघेल (CM Bhupesh Baghel) ह अपन प्रदेस व्यापी भेंट-मुलाकात अभियान के तहत 27 दिसंबर के बेमेतरा जिला के साजा विधानसभा क्षेत्र म आम जनता ले रूबरू चर्चा करही । मुख्यमंत्री ह आज साजा विधानसभा क्षेत्र के ग्राम बोरी अउ ठेलका म आमजनता ले भेंट-मुलाकात कर ओखर समस्या अउ आवेदन के निदान करे के संग ओखर ले सासन के योजना के क्रियान्वयन के संबंध म फीडबैक लेही।

निर्धारित दउरा कार्यक्रम के अनुसार मुख्यमंत्री ह बिहनिया 11.40 बजे पुलिस ग्राउण्ड हेलीपेड रायपुर ले हेलीकॉप्टर डहार ले साजा विधानसभा क्षेत्र के ग्राम बोरी बर प्रस्थान करही, उंहा मंझनिया 12.05 बजे ले आम जनता ले भेंट-मुलाकात अउ सासकीय योजना, कार्यक्रम के जायजा ले के बाद साजा विधानसभा क्षेत्र के ग्राम ठेलका जाही, उंहा 2.30 बजे ले आम जनता ले भेंट-मुलाकात करही । मुख्यमंत्री ह एखर बाद नगर पंचायत साजा जाही, उंहा संझा 6 बजे ले 8 बजे तक विभिन्न समाज के प्रतिनिधिमंडल ले भेंट-मुलाकात करही । मुख्यमंत्री ह साजा ले रात्रि 8 बजे प्रस्थान कर रात्रि 9.15 बजे मुख्यमंत्री निवास रायपुर वापस लहुट आही।