CM Bhupesh Baghel ह 22 अप्रैल के ‘अक्ती तिहार अउ माटी पूजन दिवस’ के राज्य स्तरीय समारोह म होही सामिल

जय जोहार। सीएम भूपेश बघेल ह (CM Bhupesh Baghel) 22 अप्रैल के अक्ती तिहार अउ माटी पूजन दिवस के अवसर म आयोजित राज्य स्तरीय समारोह म सामिल होही । ये कार्यक्रम इंदिरा गांधी कृषि विश्वविद्यालय म आयोजित होही ।

मुख्यमंत्री श्री बघेल ह अक्ती तिहार अउ माटी पूजन दिवस कार्यक्रम के सुरुवात इंदिरा गांधी कृषि विश्वविद्यालय के प्रक्षेत्र म बीज पूजा अउ माटी पूजन के संग करही । बीज के पूजा के बाद सीएम ह खेत म ट्रेक्टर अथवा हल चलाके ए बीज के बुआई करही । मुख्यमंत्री भूपेश बघेल ह इंदिरा गांधी कृषि विश्वविद्यालय परिसर म 11.37 करोड़ रुपिया के लागत ले नवनिर्मित कृषक सभागार के लोकार्पण करही। एखर संग ही महात्मा गांधी उद्यानिकी अउ वानिकी विश्वविद्यालय के कैम्प कार्यालय के उद्घाटन करही । मुख्यमंत्री ह कृषि महाविद्यालय परिसर म 8.96 करोड़ रुपिया के लागत ले नवनिर्मित क्लस्टर क्लास रूम के लोकार्पण घलो करही ।

कृषि विश्वविद्यालय के सभागार म आयोजित अक्ती तिहार अउ माटी पूजन दिवस समारोह म सीएम श्री बघेल ह कृषि विश्वविद्यालय डहार ले उत्पादित उन्नत किस्म के उच्च गुणवत्तायुक्त अउ प्रमाणीकृत बीज के ‘‘इंदिरा बीज’’ ब्रान्ड नेम ले लॉन्चिंग करही । सीएम ह ए अवसर म आयोजित वृहद कृषक सम्मेलन म कृषक ल उन्नत बीज, पौध सामग्री, कृषि यंत्र अउ उपकरण के वितरण घलो करही । मुख्यमंत्री श्री बघेल ह ए अवसर म एक वृहद कृषक सम्मेलन ल संबोधित घलो करही।