Godhan Nyay Yojana: सीएम ह काली हितग्राही मन ल 8 करोड़ 23 लाख रुपिया के करही भुगतान

जय जोहार। मुख्यमंत्री भूपेश बघेल ह काली मुख्यमंत्री निवास कार्यालय म गोधन न्याय योजना (Godhan Nyay Yojana) के रासि अंतरण बर आयोजित वर्चुअल कार्यक्रम के माध्यम ले पशुपालक ग्रामीण, गौठान ले जुड़े महिला समूह अउ गौठान समिति ल 8 करोड़ 23 लाख रुपिया के रासि ऑनलाइन जारी करही, जेमा 15 जनवरी ले 31 जनवरी तक गौठान म पशुपालक ग्रामीण, किसान, भूमिहीन ले ख़रीदे 2.38 लाख क्विंटल गोबर के एवज म 4 करोड़ 76 लाख रुपिया , गौठान समिति ल 2.04 करोड़ रुपिया अउ महिला समूह ल 1.43 करोड़ रुपिया के लाभांस रासि सामिल हे ।

उल्लेखनीय हे कि गोधन न्याय योजना के तहत गोबर खरीदी के एवज म विक्रेता ल अंतरित करे जवइया 4.76 करोड़ रुपिया के रासि म ले मात्र 1.98 करोड़ के रासि कृषि विभाग अउ 2.78 करोड़ रुपिया के भुगतान स्वावलंबी गौठान डहार ले करे जाही। गौरतलब हे कि राज्य म अब तक 4927 गौठान स्वावलंबी हो चुके हे , जेन स्वयं के जमा पूंजी ले गोबर क्रय करे ल लगे हे । स्वावलंबी गौठान डहार ले अब तक 40.49 करोड़ रुपिया के गोबर स्वयं के रासि ले क्रय कर भुगतान करे गेहे ।