CM Bhupesh Baghel ह राष्ट्रीय पर्यटन दिवस म प्रदेस वासी मन ल दीन सुभकामना

जय जोहार। सीएम भूृपेश बघेल (CM Bhupesh Baghel ) ह 25 जनवरी के राष्ट्रीय पर्यटन दिवस म प्रदेस वासी मन ल बधाई अउ सुभकामना दीन हे । वोहा अपन बधाई संदेस म किहीन हे कि पर्यटन के देस -प्रदेस के अर्थव्यवस्था म महत्वपूर्ण स्थान रखत हे। एखर ले न सिरिफ मनखे मन ल स्थानीय सांस्कृतिक, भौगोलिक, प्राकृतिक, ऐतिहासिक स्थल ल जाने के मउका मिलत हे, बल्कि ये हजारो परिवार के जीवनयापन बर आजीविका के नवा रास्ता घलो खोलत हे । एला देखत हुए राज्य सरकार ह अपन प्राचीन धरोहर ल विकसित कर प्रदेस म पर्यटन ल बढ़ावा दे के कार्ययोजना म काम करत हे।

सीएम श्री बघेल ह किहीन कि पुरातात्विक धरोहर अउ प्राकृतिक विविधता ले परिपूर्ण छत्तीसगढ़ के पर्यटन ह देस म अपन पहचान स्थापित करत जात । इंहा प्राकृतिक सौंदर्य ले परिपूर्ण कई ठीन रमणीय स्थल के संगेसंग गौरवसाली अतीत अउ समृद्ध विरासत ल संजोए कई पुरातात्विक अउ ऐतिहासिक महत्व के स्थल हे । सिरपुर म शैव, वैष्णव, बौद्ध अउ जैन मतों के सहअस्तित्व के पुरातात्विक प्रमाण हे ।

सरगुजा के रामगढ़ म सीताबेंगरा गुफा, प्राचीनतम नाटयशाला, बस्तर म चित्रकोट, तीरथगढ़ के जलप्रपात, कुटुमसर के गुफा तक पूरा छत्तीसगढ़ म कई ठीन स्थल पर्यटन के दृष्टि ले विशेष महत्व के हाई । महाप्रभु वल्लभाचार्य जी के जन्मस्थली के रूप म चम्पारण के विशेष धार्मिक महत्व हे ।