मिर्ची गोदाम म लग गे आगी, आसपास के लोगन मन ल साँस ले म होवत हे तकलीफ

जय जोहार रायपुर...राजधानी के गुढ़ियारी इलाका म ओशो भवन के सामने मिर्ची गोदाम म आगी लग गे, धीरे धीरे आगी ह अतना बाढ गे कि काबू करे म भारी मशक्कत लागिस, दमकल के दू गाडी आगी बुझाय के काम म लगे रिहिस.

एती मिर्ची जलत गिस त आसपास के लोगन मन ल सांस ले म भारी दिक्कत होय के खबर घलो आवत हे, गुढ़ियारी पुलिस ह मौका म पहुँच के घटना के जानकारी अऊ कारण पता लगात हे, फिलहाल शार्ट सर्किट ले आगी लगे के आशंका जताय जात हे.