जय जोहार…. (Congress) प्रदेश म भाजपा के तरफ ले काली प्रस्तावित किसान आंदोलन ल लेके सियासी जंग ह तेज हो गे हे। आज प्रदेश कांग्रेस कार्यालय म कांग्रेस संचार विभाग के अध्यक्ष शैलेश नितिन त्रिवेदी ह प्रवक्ता मन के टीम के संग पत्रकार वार्ता करिन। (Congress) वो हा कहिन कि प्रदेश म भाजपा ह आंदोलन करे के बजाए किसान मन ल हिसाब दे। वो हा पांच बिंदु म भाजपा ले हिसाब मांगे हे।
केन्द्र के भाजपा सरकार ह किसान विरोधी कानून म हिसा दे। भाजपा के लोकसभा चुनाव के घोसना पत्र म 2022 म आय दोगुना करे अऊ स्वामीनाथन कमेटी के रिपोर्ट लागू करे जइसे वादा के हिसाब दे। राज्य म 15 साल किसान मन के संग हुये अन्याय अऊ भेदभाव के हिसाब दे। 15 साल म होईस किसान आत्महत्या के हिसाब दे। 15 साल म छत्तीसगढ़ म होईस किसान मन ले धोखाधड़ी अऊ वादाखिलाफी के हिसाब दे।
प्रदेश कांग्रेस (Congress) संचार विभाग के अध्यक्ष शैलेश नितिन त्रिवेदी ह कहिन कि छत्तीसगढ़ के सरकार ह किसान मन के हितैषी हे। इहां के कांग्रेस सरकार ह किसान मन के सम्मान करे हे। किसान मन के 11270 करोड़ रुपया के ऋण के माफी करे गे हे। धान खरीदी रिकार्ड 80 लाख टन ले जादा होय हे।
