खाना बनईय्या मन दिन धरना , वेतन वृध्दि हावे मांग , पूर्व सरकार कर घलो लगा चुके हे गुहार
जय जोहार रायपुर..दीपक ५२कर.. चालीस रुपिया रोजी अऊ बारह सौ रुपिया महीना का होथे लेकिन ओखर एवज म छः घंटा काम वहू जिम्मेदारी वाला काम, छोटे छोटे स्कूली बच्चा मन बर मध्यान भोजन बनाना, कई साल ले काम करत ये रसोइय्या मन वेतन वृद्धि के मांग ल ले के आज धरना म उतर गे अऊ सरकार के खिलाफ आवाज बुलंद करिस.
रसोइय्या मन किहिन कि हमर द्वारा पूर्व सरकार ल घलो अपन मांग ले अवगत कराय रहेन लेकिन सिवाय आश्वासन के कुछ नई मिलिस आज तक, धरना के माध्यम ले ये रसोइय्या मन वेतन वृद्धि के मांग करत हे.
अपन परेशानी ल साझा करत हुए रसोइय्या संघ ह किहिस कि महंगाई अपन चरम म हे अऊ हमन ल चालीस रुपिया रोजी म काम करना पडत हे अऊ तो अऊ खाना बनाय बर गैस सिलेंडर तको नई उपलब्ध कराय जाय , हमन ल चूल्हा म ही खाना बनाय ल पडथे. ये मौक़ा म रसोइय्या संघ ह अपन मांग के एक ज्ञापन मुख्यमंत्री के नाम सोंपिस.
