भारत-चीन सीमा म शहीद जवान के पार्थिव शरीर ह आज पहुंचही रायपुर, सीएम समेत कई मंत्री ह देही श्रद्धांजलि

जय जोहार…. भारत-चीन सीमा म शहीद जवान गणेश कुंजाम के पार्थिव शरीर ह आज राजधानी रायपुर पहुंचही। विशेष विमान ले दोपहर 1.40 बजे स्वामी विवेकानंद एयरपोर्ट लाय जाही। मुख्यमंत्री भूपेश बघेल, गृहमंत्री ताम्रध्वज साहू, डीजीपी डीएम अवस्थी समेत कई मंत्री ह एयरपोर्ट पहुंच के शहीद जवान ल श्रद्धांजलि देही। एयरपोर्ट म जवान ल श्रद्धांजलि दे के बाद पार्थिव शरीर ल कांकेर जिला के गृहग्राम कुरुटोला रवाना करे जाही।
बता देन कि भारत-चीन सीमा म सोमवार के रात चीनी सेना के संग भारतीय सैनिक मन के हिंसक झड़प होय रहिस, एमा जवान गणेश कुंजाम ह गंभीर रूप ले घायल हो गिस, जेखऱ् मंगलवार के रात मौत हो गे रहिस। वर्ष 2011 म सेना म शामिल होवइया शहीद गणेश कुंजाम के एक महिना पहले चीन बार्डर म पोस्टिंग होय रहिस।