कटघोरा। मुख्यमंत्री डॉ. रमन सिंह ह कहिन के प्रधानमंत्री नरेन्द्र मोदी ह देश के विकास के जऊन परिकल्पना करे हें, ओमा हर गरीब ल मकान, हर घर म बिजली अऊ हर गरीब परिवार बर इलाज के व्यवस्था करना घलोक सामिल हे। ए काम मन ल सुनिस्चित करे बर उमन प्रधानमंत्री आवास योजना, प्रधानमंत्री सहज बिजली-हर घर योजना (सौभाग्य) अऊ आयुष्मान भारत जइसे संवेदनशील योजना मन ल शुरू करे हें। मुख्यमंत्री प्रदेश व्यापी विकास यात्रा के समय सोमवार के मंझनिया कोरबा जिला के तहसील मुख्यालय कटघोरा म विशाल आमसभा ल सम्बोधित करत ए आशय के विचार प्रकट करिन। मुख्यमंत्री ह कहिन के मैं जनता-जनारदन के दरसन करे अऊ उंखर असीस लेहे बर विकास यात्रा म निकले हंव।
