mahasamund : राजीव गांधी न्याय योजना ले प्रदेस के किसान मन के आर्थिक स्थिति म होइन सुधार – संसदीय सचिव द्वारिकाधीश यादव

जय जोहार। (mahasamund) संसदीय सचिव अउ खल्लारी विधायक द्वारिकाधीश यादव ह किहीन कि प्रदेस के मुख्यमंत्री भूपेश बघेल ह राजीव गांधी न्याय योजना के तहत 21 मई के प्रदेस के करीबन 22 लाख किसान मन ल लगभग 18हजार करोड़ रुपिया ओखर खाता म अंतरित करे हे।

प्रदेस के मुख्यमंत्री भूपेश बघेल डहार ले किसान मन के हित बर कई ठीन योजना ल संचालित कर जावत हे, (mahasamund) जेमा गोठान योजना ह देस का माडल योजना बने हे। भूमिहर मजदूर ल हरेक बछर 7 हजार रुपिया प्रोत्साहन रासि देवत हे। एखर आलावा वनोपज खरीदी म वनोपज के संख्या म घलो वृद्धि करे गेहे। ए सबसेती ले प्रदेस के किसान मन ल आर्थिक लाभ मिलत हे।

एक ठीन सवाल के जवाब म (mahasamund) संसदीय सचिव ह किहीन कि केंद्र सरकार डहार ले खाद, दवाई आदि के दाम म लगाम ल नई लगाय जावत हे, जेखर सेती एखर दाम म बेतहासा वृद्धि होइन हे, जेखर सेती किसान मन ल समुचित लाभ नई मिल पात हे ।