छत्तीसगढ़ी फिल्म “सुन सजना“ के पहिली गीत होही रिलीज

निर्देशक गोपाल पाण्डेय कृत “सुन सजना“ प्रदर्शन बर तैयार हे। छत्तीसगढ़ी भाखा म बनईया ए फिलिम के पहिली गाना छम-छम बोले पायलिया, 21 सितम्बर के दिन रिलीज होवईया हे। ए फिलिम ह नवम्बर के महीना प्रदेश के जम्मो प्रमुख सिनेमाघर म प्रदर्शित होही।

ए फिलिम म निर्देशन के अलावा गीत संगीत अऊ पटकथा, संवाद गोपाल पाण्डेय के हे। फिलिम म रिलीज होवईया पहिली गीत ल स्वर देहे सुनील सोनी अऊ कंचन जोशी ह। गीत अंजनी पाण्डेय, संजय पाण्डेय, संतोष दास के हे। कैमरा, संपादन अऊ एक्शन जॉनसन अरूण के हे। कोरियोग्राफी के बुता दिलीप बैस ह करें हें।

फिल्म के निर्देशक गोपाल पाण्डेय ह बताईन कि 15 नवम्बर के दिन प्रदेश के जम्मो प्रमुख सिनेमाघर म ए फिलिम ल प्रदर्शित करे जाही। ओमन उम्मीद जताए हे कि ए ह एक पारिवारिक छत्तीसगढ़ी फिलिम हे जेन ह दर्शक मन के बड़ मन भाही।