प्रदेश के ए जिला के पहला अईसे टनल जिहां इंसान के संगेसंग गाड़ी घलो होही सेनिटाइज, एसपी ह लिस जायजा

जय जोहार सूरजपुर…. ग्राम पंचायत गोविन्दपुर के कुम्दा कालोनी म सरपंच समेत ऊहां के युवा वर्ग ह आपसी सहयोग ले सेनेटाईजेशन टनल बनाय हे। जेखर ले न केवल व्यक्ति बल्कि वाहन घलो सेनेटाईज होवत हे। कोविड 19 के संक्रमण ले बचाव बर जिला म पहला सेनेटाईजेशन टनल बनाय गे हे। जेखर आज सूरजपुर एसपी राजेश कुकरेजा ह जायजा लिस।

ए दौरान एसपी ह कहिन कि आपसी सहयोग के जरिये ए टनल के निर्माण ले कोरोना जैसा संक्रमण ले बचाव होही। सहयोग ले बनाए गिस ए सेनेटाईजेशन टनल ले न केवल नागरिक मन के संगेसंग गुजरइया वाहन घलो लाभान्वित होवत हे। टनल के निर्माण म सरपंच तरशीला लकड़ा अऊ स्थानीय युवा वर्ग ह काफी रूचि ले कार्य करे हे। एसपी ह कुम्दा कालोनी स्थित पुलिस सहायता केंद्र के जायजा लिस। ए दौरान पुलिस अधिकारी अऊ जवान मन के हौसला अफजाई करिस।