खाद्य अऊ औषधि प्रशासन के टीम ह करिस गुणवत्ता के जाँच, सफ़ई मा कमी मिले मा दुकान ला नोटिस

रायपुर. खाद्य सुरक्षा टीम ह भाटापारा अऊ दामाखेड़ा मा जाँच अभियान चलाईन। दामाखेड़ा मा साहू होटल अऊ स्वीट्स मा खाय के सामान ला ढाँक के नई रखे रहिन अऊ फ्रिज मा घलो भारी गंदगी मिलिस, जेखर सेती खाद्य सुरक्षा मानक अधिनियम के धारा 55 के तहत ओ मन ला नोटिस जारी करे गिस।

भाटापारा सहर के आयुष डेयरी अऊ पटेल डेयरी दतरेंगी मा घलो अचानक टीम ह पहुँच के जाँच करिस। पटेल डेयरी ले मलाई क्रीम के नमूना (सैंपल) लेके जाँच बर राज्य खाद्य परिक्षण प्रयोगशाला भेजे गिस हवय।

पिछले महीना मा जाँच बर ले गे नमूना मा अविनाश पोहा इंडस्ट्रीज भाटापारा के पैक्ड पोहा अऊ शीतल इंडस्ट्रीज भाटापारा के पैक्ड बेसन मा पोषण ले जुड़े जानकारी ह पूरा नई रहिस, जेखर सेती एला ‘मिथ्याछाप’ (Misbranded) घोषित करे गे हवय। खाद्य सुरक्षा मानक अधिनियम के नियम के मुताबिक, सबो पैक्ड खाय के सामान मा पोषण के बारे मा पूरा जानकारी देना जरूरी हवय।