पूर्व विधायक काटे लगिस फीता, जमके होइस बवाल

रायपुर। पूर्व विधायक नवीन मार्कण्डेय अउ नगरीय निकाय मंत्री शिव कुमार

डहरिया के बीच म श्रेय ले के राजनीति चल पड़िस हे. इहीं राजनीति के चक्कर

म आरंग म उद्घाटन ल लेके बवाल हो गिस हे. मामला आरंग म विश्राम भवन के

उद्घाटन के हे. पूर्व विधायक नवीन मार्कण्डेय के कहिना हे, एखर उद्घाटन उमन पूर्व

म कर चुके हव. फेर दुबारा मंत्री शिव डहरियाह काबर करतहे. पूर्व विधायक नवीन

मार्कण्डेय ह मंत्री शिवकुमार डहरिया उपर ओछी

राजनीति करे के आरोप लगाइस हे. लेकिन नवीन मार्कण्डेय के अइसे कहिना अउ

विरोध करना भारी पड़ गिस. रेस्ट हाउस म मंत्री के विरोध करे बर गे पूर्व

विधायक ल गिरफ्तार कर ले गिस.

दरअसल, शनिवार के रायपुर के आरंग रेस्ट हाउस के मंत्री शिव डहरिया के हाथ ले

उद्घाटन होना रहिस हे. लेकिन उंखर पहुंचे के पहिली ही बीजेपी के पूर्व विधायक नवीन

मार्कण्डेय अपन समर्थक मन के संग रेस्ट हाउस पहुंच फीता काटे ल  लगिस. जेमा

पुलिस ह उमन ल रोके के कोसिस करिस त सबो पुलिस ले ही उलझ गे.

नवीन मार्कण्डेय के कहिना हे, मैं मंत्री ले मिले बर रेस्ट हाउस म इंतजार

करत रहेव. लेकिन मंत्री के आए के पहिली पुलिस ह उमन ल गिरफ्तार कर लिस.

पुलिस उमन ल उठाके थाना ले गिस.

मार्कण्डेय ह ए कार्रवाई के पीछे बताइस के,  मैं ह मंत्री के कामकाज ल

लेके सवाल उठत हव. जेखर सेती ए कार्रवाई करे गिस हे.  उमन कहिन, आरंग

क्षेत्र के मजदूर यूपी के हाथरस म बंधक बनाए गे हे. उंखर सिकायत उमन करे

हे. अउ विधानसभा म घलो ए मामला उठही. जेखर  सेती मंत्री उंखर ले नाराज

हवय.