जय जोहार रायपुर…. पं. रविशंकर शुक्ल विश्वविदयालय के वार्षिक परीक्षा तीन मार्च ले शुरू हो जाही। परीक्षा ल जल्द खत्म करे बर ए बार प्रश्न पत्र मन म कम गेप रखे गिस हे। कुछु कालेज मन के संगे-संग छात्र संगठन ह विभिन्न कक्षा मन के प्रश्न पत्र मन म ज्यादा अंतराल दे बर के मांग करत हे।
ए बखत वार्षिक परीक्षा जल्द शुरू होवत हे अउ जल्द ही खत्म होही। 30 अप्रैल के बीए के आखिरी पर्चा होही। परीक्षा जल्द खत्म कर रिजल्ट ल जल्द जारी करे बर विश्वविदयालय ह प्रश्न पत्र मन के बीच के गेप ल कम कर दे हे। एखर सेती विदयार्थी मन ल पढ़ाई करे बर कम समय मिलही। अब अंतराल बढ़ाए के मांग उठत हे।
रविवि के वार्षिक परीक्षा बर आनलाइन आवेदन मंगाए गे हे। ए प्रक्रिया ह खत्म होए के बाद एखर परीक्षण करे जावत हे। यह बात ह सामने आवत हे कि कुछु कालेज मन म बैठक क्षमता ले अधिक छात्र मन के परीक्षा फार्म मिलिस हे। इहां के परीक्षार्थी मन ल दूसर केंद्र म शिफ्ट करे बर परही।
