बीजेपी के कार्यक्रम  ल हेलमेट पहिन के कवर करिन मीडिया कर्मी मन

रायपुर। प्रापर्टी टैक्स जादा के विरोध म भाजपा पार्षद दल ह मंगलवार के रायपुर नगर निगम दफ्तर के घेराव करिन। काफी संख्या म पहुंचे पार्षद दल ह कहिन के, संपत्तिकर रूप  म अनाप-सनाप बिल पहुंचे हवय।

जे व्यक्ति ल 5 हजार पटाना रहिस हे उँखर तीर 15-20 हजार रुपिया के बिल पहुंच गेहे। पूर्व म जे संपत्ति कर पटात रहिव हे उंखर ले दू-तीन गुना संपत्तिकर हो गेहे। ए दउरान निगम दफ्तर के आघू खड़े होके जमके नारेबाजी करे गिस।  जीआईएस सर्वे ल रद्द करे के मांग करिन हे।

इहीं बीच उहां पहुंचे पत्रकार मन ह बीजेपी पार्षद दल के हेलमेट पहिन के बाइट लीन। पत्रकार पाछू दिन म भाजपा कार्यालय एकात्म परिसर म पत्रकार के संग होए मारपीट के विरोध करच हवय। अउ धरना-प्रदरसन म बइठे हे।