Corona: देश म 24 घंटा म कोरोना के सबले जियादा 16922 नवा मामले के होइस पहचान, 418 लोगन मन के होइस मौत

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश म कोरोना मरीज के कुल संख्या ह चार लाख 73 हजार ले जियादा हो गे हे। पिछिले 24 घंटा म देश म सबले जियादा 16922 नवा मामले के पहचान होय हे। जबकि 418 लोगन मन के मौत हो गे हे।
स्वास्थ्य मंत्रालय के आंकड़ा के मुताबिक देश म कोरोना (corona) मरीज मन के संख्या ह 4 लाख 73 हजार 105 हो गे हे। जबकि सक्रिय मामले के संख्या ह 1 लाख 86 हजार 514 हे। ऊहचे 2 लाख 71 हजार 697 मरीज मन ह कोरोना (corona) ले जंग जीत गे हे अऊ अपन घर लहुट चुके हे। ए वायरस ले अब तक देश म 14894 लोगन मन के जान चले गे हे।