पोस्टमार्टम रिपोर्ट मिले म देरी के मामला सदन म गूंजिस, गृहमंत्री ह कहिन- जल्द दे बर के प्रयास करही

जय जोहार रायपुर। पोस्टमार्टम रिपोर्ट मिले म देरी के मामला सदन म उठिस। भाजपा विधायक रजनीश सिंह ह सदन म ये मामला ल उठाइस। वो हा सवाल करिस कि दो जिला म 1627 केस म पीएम रिपोर्ट नई पहुंचिस। पीएम रिपोर्ट पहुंचे बर देर क्यों होवत हे।

जवाब म गृहमंत्री ह कहिन कि पीएम रिपोर्ट ल जल्द दे बर के प्रयास होही। विधायक ह कहिन कि पीएम रिपोर्ट म देरी के चलत बीमा के राशि, एफआईआर, पेंशन समेत बहुत ले काम रूक जात हे।

जवाब म स्वास्थ्य मंत्री ह जवाब दिस कि सामान्य स्थिति म सात दिन म रिपोर्ट दे बर के प्रयास करे जात हे। न्यायलयीन मामला म पीएम रिपोर्ट बने बर म समय लगत हे।