जय जोहार । (chhattisgarh) राज्य सरकार डहार ले नक्सल क्षेत्र म विकास, विश्वास अउ सुरक्षा के नीति ह अब रंग लावत हे। सुकमा ज़िला के कोण्टा विकासखंड म नक्सलवाद के सेती 15 बछर ले बंद स्कूल ल फेर ले सुरु करे म सफलता मिलीन। एखर ले सुदूर वनांचल म रहवइया लईका मन के भविष्य संवरे ल लगीन हे। संवेदनशील क्षेत्र चिंतलनार अउ जगरगुंडा म फेर स्कूल ल संचालित करे जात हे । ए संवेदनशील क्षेत्र के स्कूल म अध्ययन-अध्यापन के काम म स्थानीय युवा मन के मदद ले करे जात हे ।
(chhattisgarh) मुख्यमंत्री भूपेश बघेल के विशेष पहल म बीते तीन बछर ले नक्सल प्रभावित क्षेत्र के बंद स्कूल ल दुबारा खोले के परयास ल बड़ अकन बड़का सफलता मिलत हे। ग्रामीण मन के सहयोग ले जिला प्रसासन ह पंचायत के माध्यम ले शाला संचालन बर झोपड़ी ल तैयार करीन । हरेक शाला बर अस्थायी शेल्टर निर्माण बर 40 हजार रुपिया के प्रावधान करीन। अइसे सबो लईका जेन 15 बछर ले जादा बेरा तक शिक्षा ले वंचित रिहीन, ओखर शिक्षा सुविधा म कोनो कमी न हो, एखर बर प्रसासन ह निरंतर काम करत हे।
जिला प्रसासन डहार ले लईका मन के शिक्षा ल सुचारू रूप ले संचालित करे बर झोपड़ी के स्थान म पक्का भवन बनाय ल सुरु करे गेहे । एखर तहत पहला चरण म 45 शाला भवन के निर्माण कर ले गेहे अउ 49 भवन के निर्माण काम प्रगति म हे। (chhattisgarh) पंद्रह बछर पहले नक्सली हिंसा के सेती विकासखंड कोण्टा के 123 स्कूल बंद होगे रिहीन । नक्सली मन ह दर्जन स्कूल भवन ल ढहा दे रिहीन। जेमा 100 प्राथमिक, 22 माध्यमिक अउ 01 हाईस्कूल सामिल हे।
