मोर गांव मोर पानी महाअभियान’ ले पानी बचाए (जल संरक्षण) ला मिलत हे नवा रद्दा
- प्रदेशभर में 497 लूज बोल्डर चेक डैम बनाए के काम मंजूर, 139 पूरा
- जमीन के पानी बढ़ाए, पानी सकोरे अउ गाँव-देहात में रोजगार देवे ला मिलही बढ़ावा
रायपुर. मुख्यमंत्री विष्णु देव साय के अगुवाई में प्रदेश में पानी बचाए अउ जमीन के पानी (भू-जल) ला बढ़ाए के उद्देश्य ले मनरेगा के तहत चलत ‘‘मोर गांव मोर पानी महाअभियान’’ के अंतर्गत बड़ पैमाना में लूज बोल्डर चेक डैम (पथरा के बांध) बनाए के काम करे जात हे। ए अभियान के तहत अलग-अलग गाँव मन में बरसात के पानी ला सकोरे अउ पानी के सोता मन ला फिर ले जिआए बर जम्मो मिलाके 497 लूज बोल्डर चेक डैम मंजूर करे गे हे, जेकर में ले 139 काम पूरा हो चुके हे अउ 253 जगह मन में काम अभी चलत हे।
सरगुजा जिला के सबो 7 विकासखंड मन—अम्बिकापुर, लुण्ड्रा, सीतापुर, बतौली, मैनपाट, उदयपुर अउ लखनपुर में ए ढांचा मन ला बनाए जात हे। एकर मुख्य उद्देश्य बरसात के पानी ला गाँव मन में ही रोकके जमीन के पानी ला बढ़ाना अउ स्थानीय पानी के सोता मन ला मजबूत बनाना आय।
नाला मन में बनाए जात लूज बोल्डर चेक डैम ह बरसात के पानी के बहाव ला रोकके ओकर ठहरे के समे ला बढ़ा देथे, जेकर ले जादा मात्रा में पानी जमीन के भीतर रिसथे अउ भू-जल स्तर ला बढ़ाए में मदद मिलथे। एकर ले गरमी के दिन मां सूके वाले हैंडपंप अउ कुआं मन में बछर भर पानी मिलत राही। संगे-संग खेती-किसानी के काम बर घलव अलगे ले पानी मिले ले रबी अउ गरमी दिन के फसल मन ला घलव बड़ लाभ मिलही।
ए संरचना मन पहाड़ी अउ ढलान वाले इलाका मन में माटी के कटाव (बहना) ला रोके में घलव असरदार साबित होवत हें। गाँव के स्तर में मिलने वाले पथरा मन ले कम खरचा में बने ए चेक डैम मन गाँव-देहात बर ‘‘वाटर रिचार्ज बैंक’’ कस काम करत हें।
ए अभियान के तहत होवत निर्माण काम मन ले बड़ संख्या में गाँव के मजदूर मन ला मनरेगा के माध्यम ले गाँव में ही रोजगार घलव मिलत हे। अखाढ़ (मानसून) आवे के पहिली जादा ले जादा लूज बोल्डर चेक डैम ला पूरा करे के टार्गेट रखे गे हे, ताकि ए बछर होवे वाली बरसात के जादा ले जादा पानी ला सकोरे जा सके।
हमर चैनल ला सब्सक्राइब करव अऊ मया देवव
Whatsapp –https://whatsapp.com/channel/0029VaPmGTXInlqS2WQAhw1n
YouTube –https://youtube.com/@jayjohar?si=AZDI5zciOCT3Oqhw
Facebook –https://www.facebook.com/share/18GsFBTgfd/
