रायपुर. प्रदेश कांग्रेस अबब्ड़ जल्दी लोकसभा प्रत्याशी मन के ऐलान करही. अइसे संभावना जताए जात हे के, 16 मार्च के सब्बो प्रत्याशी मन के नाम घोषित कर दे जाही. सूत्र मन ले जानकारी के मुताबिक कांग्रेस प्रदेस के सबो 11 सीट मन म बर फार्मूला तियार कर लेय हे. फार्मूला म 11 लोकसभा सीट मन म 6 अनारक्षित सीट अउ 5 रिज़र्व सीट( 4 ST 1 SC वर्ग ) हवय, जेमा 6 अनारक्षित सीट म 4 ओबीसी अउ 1 सीट म ब्राह्मण ल दे म सहमति बने हवय. एखर संगेच बचे 1 अनारक्षित सीट ल सामान्य वर्ग ल दि ही. एखरका अंतिम निरनय होना अभी बचे हे.
जातीय समीकरण ल धियान म रख के कांग्रेस टिकट वितरन करही. कांग्रेस ए बेर 6 अनारक्षित सीट मन म 2 सीट म साहू समाज ले व 1 सीट म कुर्मी समाज ले उम्मीदवार उतारही. उहें 1 टिकट म चरणदास महंत के परिवार ( उंखर पत्नी ) ल दे के विचार करे गे हे.बचे हए 2 सीट म 1 सीट ब्राह्मण समाज ल देना लगभग तय माने जात हे. एखर संऐच 1 सीट सामान्य वर्ग ल देय जाही.
ब्राह्मण समाज ले 3 प्रमुख दावेदार
आप मन ल देवन एमा ब्राह्मण समाज ले 1 को टिकट देना तय हो चुके हे. ब्राह्मण समाज ले प्रदेस म जे नाम उभर के आघू आए हे, ओमा प्रमुख रूप ले प्रमोद दुबे, पंकज शर्मा ह रायपुर लोकसभा ले अपन दावेदारी करिन हे. उहें राजिम विधायक अमितेश शुक्ला के लइका भवानी चरण शुक्ल के नाम महासमुंद ले आघू उभर के आवत हे. बता देवन के 16 मार्च के दिल्ली म केंद्रीय चुनाव समिति के बइठक हवय. ए बइठक म सूची म मुहर लगही. एखर बाद सबो 11 सीट मन म उम्मीदवार मन के ऐलान कर देय जाही.
Other Articles
बीएसपी म कई बछर ले लंबित पेंसन स्कीम ल मिलिस मंजूरी
निराश कार्यकर्ता मन ल रिचार्ज करिस अमित जोगी ह
