CBSE: 1 अप्रैल ले सुरू होवइया हे सीबीएसई के नवा शैक्षणिक सत्र, निर्देश हो गे जारी, पढ़व पूरा खबर

जय जोहार…. (CBSE) सीबीएसई ह अपन संबद्ध स्कूल हेड ल एकठन नोटिस जारी कर निर्देश दे हे। एमा सीबीएसई ह कहिन कि साल 2020-21 के शैक्षणिक सत्र के सुरुआत 1 अप्रैल 2021 ले करे जाना चाही। एखर कापी ल सीबीएसई ह अपन आधिकारिक वेबसाइट म अपलोड करे हे।

जारी नोटिस म (CBSE) परीक्षा नियंत्रक संयम भारद्वाज ह कहिन कि राज्य सरकार के तरफ ले जारी गाइडलाइन के तहत 1 अप्रैल 2021 ले शैक्षणिक सत्र ल सुरू करना उचित होही। 2020-2021 के शैक्षणिक सत्र के सुरूआत ह लाकडाउन के सुरुआती दिन म होय रिहिन। अभी घलो जादातर छात्र ह आनलाइन पढ़ई करत हे। स्कूल पहिले बोर्ड परीक्षार्थी मन के खोले गिस अऊ सीबीएसई समेत आन स्टेट बोर्ड घलो बोर्ड परीक्षा के तैयारी म हे।

सीबीएसई (CBSE) ह ये घलो सलाह दे हे कि स्कूल ल नवमी अऊ ग्यारहवीं कक्षा के छात्र मन बर खोले जाये अऊ जल्दी परीक्षा के आयोजन करे जाये। कक्षा 10वीं अऊ 12वीं के छात्र बर आफलाइन बोर्ड परीक्षा ह 4 मई से सुरू होवइया हे।