वक्फ बोर्ड के सम्पत्ति म कब्जा करे वाला मन के खैर नई, सलाम रिजवी ह दिस चेतावनी

जय जोहार रायपुर…. छत्तीसगढ़ राज्य वक्फ बोर्ड के सम्पत्ति म कब्जा करे वाला मन के अब खैर नई हे। जेन व्यक्ति मन ह ए सम्पत्ति म कब्जा कर ले हे। वो मन के खिलाफ सख्त कार्रवाई करे जात हे। ऊहचे सम्पत्ति मन के संबंध म करे गिस अनियमितता के घलो जांच करे जाही।

छत्तीसगढ़ राज्य वक्फ बोर्ड के अध्यक्ष सलाम रिजवी ह पत्रकार वार्ता म बताइस कि वक्फ बोर्ड के सम्पत्ति मन म गड़वड़ी करे वाला के खिलाफ सख्ती घलो बरती जात हे। अइसे एक मामला म अंजुमन इस्लामिया कमेटी जगदलपुर के पूर्व पदाधिकारी मन के खिलाफ तीन करोड़ 58 लाख 56 हजार रूपिया के वित्तीय अनियमितता ल लेके वक्फ बोर्ड के तरफ ले एफआईआर दर्ज कराए गे हे। ए अनियमितता वित्तीय वर्ष 2011 ले वर्ष 2019 के बीच करे गे हे।