9 लाख  के इनामी नक्सली दंपति गिरफ्तार

राजनांदगांव। जिला पुलिस ह एक बड़ सफलता हासिल करत हुए 9 लाख रुपिया के इनामी दंपति भानपुर एलओएस डीव्हीसीएम पवन उरफ लेतरू अउ पत्नी एलओएस सदस्य मनकी ल पुलिस ह गिरफ्तार कर लिस हे।  बता दन के बीते बुधवार के होए पुलिस-नक्सली मुठभेड़ म काफी संख्या म नक्सली सामान बरामद होए रहिस हे।

दुर्ग रेंज के आईजी, डीआईजी अउ आईटीबीपी जिला पुलिस अधीक्षक ह जिला म  चलत नक्सल उन्मूलन म  जिला पुलिस ह पूर्वी बस्तर डिवीजन कमेटी सदस्य लेतरू उरफ पवन अउ उंखर पत्नी एलओएस सदस्य श्यामा उरफ मनकी गिरफ्तार करिस हे। उमन अपन इलाज बर राजनांदगांव के मदनवाड़ा आए रहिन हे। इहीं दउरान पुलिस ल सूचना मिलिस, जेखर  आधार म पुलिस ह मउका म दबिस देके  उमन ल गेरफ्तार कर लिस। एक दिन पहिली मानपुर थाना क्षेत्र म पुलिस मुठभेड़ होय रहिस हे। एक हफ्ता म दू बेर पुलिस नक्सली मुठभेड़ होइस हे। जेमा पुलिस ह बड़ संख्या म नक्सली सामान बरामद करिस  हे।  एखर जानकारी दुर्ग रेंज के आईजी रतनलाल डांगी ह दीस हे।